اسلام آباد…عوامی مسلم لیگ کے سربراہ شیخ رشیدپر قاتلانہ حملے کا نوٹس لیتے ہوئے صدر آصف زرداری اور وزیر اعظم یوسف رضا گیلانی نے تشویش کا اظہار کرتے ہوئے حملے کی تحقیقات کا حکم دے دیا۔صدر آصف زرداری اور وزیر اعظم یوسف رضا گیلانی نے تشویش کا اظہار کرتے ہوئے واقعے کی رپورٹ طلب کر لی ہے۔ جبکہ ملک بھر کی سیاسی اور مذہبی قیادت نے واقعے پر گہرے افسوس کا اظہار کیا ہے، وزیر داخلہ رحمان ملک شیخ رشید پر حملہ کو افسوسناک قرار دیتے ہوئے ڈی آئی جی سے رپورٹ طلب کرلی ہے، مسلم لیگ ن کے قائدنواز شریف نے شیخ رشید کے انتخابی دفتر پر فائرنگ کی شدید مذمت کرتے ہوئے شیخ رشید سے اظہار ہمدردی کیا ہے جبکہ وزیرا علی پنجاب شہبازشریف نے واقعے کی مذمت کرتے ہوئے ضلعی انتظامیہ کو ہدایت کی ہے کہ مجروں کی گرفتاری کے لیے فوری کارروائی کرے۔ گورنر پنجاب سلمان تاثیر شدید مذمت کرتے ہوئے کہا ہے کہ پنجاب حکومت صوبے میں امن ا ومان قائم رکھنے میں ناکام ہو گئی ہے،پنجاب حکومت کے ترجمان سینیٹر پرویز رشید نے واقعے پر گہری تشویش کا اظہار کرتے ہوئے کہا کہ مقابلہ بلٹ کا نہیں بیلٹ کا ہوتا ہے۔ لندن سے ایم کیو ایم کے قائد الطاف حسین نے مذمت کرتے ہوئے اسے دہشت گردی کا سنگین واقعہ قرار دیا ۔ الطاف حسین کی جان بحق افراد کے سوگواران سے تعزیت اور شیخ رشید کی صحتیابی کی دعا بھی کی۔ متحدہ قومی موومنٹ کے مرکزی رہنما حیدر عباس رضوی نے واقعے کی شدید مذمت کرتے ہوئے اسے افسوس ناک قرار دیا۔جماعت اسلامی کے امیر سید منور حسن،تحریک انصاف کے سربراہ عمران خان، جمعیت علمائے اسلام ف گروپ کے مولانا فضل الرحمان۔مسلم لیگ ق کے سربراہ چودھری شجاعت کی شیخ رشید پر حملے کی مذمت کرتے ہوئے کہا کہ گولی اور قتل و غارت کی سیاست سے انتخابات نہیں جیتے جاسکتے، جبکہ ق لیگ کے رہنما راجہ بشارت نے مطالبہ کیا کہ این اے 55 میں فوج کی نگرانی میں الیکشن کرائے جائیں۔