اسلام آباد : صدر مملکت آصف علی زرداری نے کہا ہے کہ وکلاءبرادری نے جمہوریت کی جدوجہد، قانون اور آئین کی حکمرانی اور عدلیہ کی آزادی کیلئے ہمیشہ صف اول کا کردار ادا کیا، عام شہریوں کو فوری انصاف کی فراہمی پاکستان پیپلز پارٹی کی حکومت کی اولین ترجیحات میں شامل ہے اور وکلاءبرادری کو درپیش مسائل کے حل کیلئے تمام اقدامات کئے جا رہے ہیں۔ پیر کی شب یہاں فرنٹیئر بار کونسل کے 24 رکنی وفد کے ساتھ ملاقات کے دوران بات چیت کرتے ہوئے صدر نے کہا کہ پاکستان پیپلز پارٹی وکلاءبرادری کے اہم کردار سے آگاہ ہے اور انہیں ہر ممکن سہولت فراہم کی جائے گی تاکہ عام لوگوں کو جلد انصاف کی فراہمی کا مقصد حاصل ہو سکے